المنزل , الزبادي , عمل

عمل الزبادي فى المنزل

مش هقولوكوا على الخطوات العلمية والكلام النظري الى بقولوه فى الحاجات اللى زي دي
مثلا استلام اللبن والوزن



ايه الكلام الفاضى ده
ماهو اللبن بيجي موزون وعارفين انه مغشوش بس هنعمل ايه هو ده اللبن المتاح

المهم
احنا اول ما نجيب اللبن نروح نغليه

طيب نغليه ازاي :
يفضل ان احنا نعمله حمام مائي ونقلبه باستمرار اثناء الغليان
بعد كده نسيبه يبرد لحد ما يبقي درجة حرارته 40 درجة مئوية وبعدين نحط عليه الخميرة

ملحوظة :
الخميرة دي عبارة عن كوبايه زبادي مصنعه
انا كنت بحط نصف كوباية زبادي انجوي على كيلو اللبن

ملحوظة تانية :

مينفعش تستخدم علبة زبادي من اللى انت عملتها كخميرة عشان البكتيريا بتكون ضعفت
يعني لازم كوباية زبادي انجوي او اي حاجة تانية

بعد كدة نصب اللبن فى كبايات او طباق مسطحة بحيث كل كيلو لبن يتحط فى 8 كوبايات
نحط الطباق فى الفرن ونسيبه مفتوح عشان الحرارة العالية ممكن تقتل البكتريا
او ممكن نحطها جنب دفاية او فى حلة عمل الزبادي المهم اجنب اي حاجة تطلع حرارة
ونسيبها من 3 - 6 ساعات لحد ما تتكون الخثرة ( الزبادي يجمد شوية ) وبعدين حطها فى الثلاجة على طول .
وبالهنا والشفا .

المصدر: منتديات الخير - من قسم: الصناعات الغذائية والالبان

---

ulg hg.fh]d tn hglk.g